PENYA BARCELONISTA SIS COPES

 

Официјална Пења на ФК Барселона регистрирана во Централен регистар на Република Македонија од 13.01.2014.
Официјална Пења регистрирана во ФК Барселона под број 2187. 184 члена (145 мажи, 39 жени). Претседателство 9 члена (6 мажи, 3 жени)
Penya oficializada de FC Barcelona y registrada de Registro Central de Republica Macedonia, desde 13.01.2014.
Penya oficial del Fútbol Club Barcelona con número 2187. 184 socios (145 hombres, 39 mujeres). Presidencia 9 miembros (6 hombres y 3 mujeres)

Нашата мисија и Визија:

 

  1. Грижа и помагање за/кон зајакнување, одржување и ширење на репрезентативноста и јавниот профил на Фудбалскиот Клуб Барселона од Барселона, Шпанија (во понатамошниот текст: ФК Барселона) во Македонија.
 
  1. Промоција на традиционалните вредности на клубот и чувството на „братска припадност“ меѓу неговите членови и поддржувачи, во рамките на напорите на клубот за истото во функција и согласно законите на РМ.
 
  1. Ширење на традиционалните вредности за етика, граѓанска одговорност, социјална интеграција, толеранција, спортски дух, фер-плеј, солидарност, демократија, Каталонскиот идентитет, универзалноста и другите принципи кои ја рефлектираат социјалната активност на ФК Барселона, во Македонија.
 
  1. Служење на навивачите на ФК Барселона во Македонија за воспоставување на директна врска со клубот и одржување на истата во двете насоки.
 
  1. Организација на семинари, предавања, патувања, екскурзии и формални и неформални средби од секаков карактер со цел подобро меѓусебно запознавање на културите на Каталонците и Македонците.
 
Своите цели и задачи Здружението ќе ги остварува преку :
 
  1. Остварување на конкретни програмски активности;
  2. Спроведување на заеднички проекти на членовите;
  3. Организација на групни активности како: заедничко следење на натпревари, фудбалски натпревари, кошаркарски натпревари, турнирски натпреварувања од спортовите кои се претставени преку ФК Барселона;
  4. Формирање на спортски екипи;
  5. Организација на кампови и формирање на школи за спортовите претставени преку ФК Барселона;
  6. Промовирање на каталонската историја, традиција и култура преку организација на средби, туристички посети на Македонци во Каталонија и обратно, концертни настапни на македонски музичари и забавувачи во Каталонија и каталонски музичари и забавувачи во Македонија, организација на презентаци на традиционални кулинарски рецепти од Каталонија во Македонија и обратно;
  7. Организирана посета на натпревари на ФК Барселона во Каталонија и низ останатиот дел на светот, посета на формални и неформални собири на фан-клубови на ФК Барселона од целиот свет, организација на средби наменети за социјализација помеѓу членовите на фан-клубовите како и за сите други активности кои според својот статут ги предвидува клубот кога се во прашање членовите или поддржувачите на ФК Барселона;
  8. Соработка со организации и институции во складност со целите и задачите на здружението;
  9. Вршење на други работи во согласност со уставот и законот на Република Македонија.
  •  
    Во Здружението може да членува секој граѓанин кој ги прифаќа програмските цели и задачи на здружението.
     
  • Основни принципи за работа на Здружението се :
     
  • - Почитување на автономијата, самостојноста и иницијативноста на секој член на здружението;
  • - Рамноправност и еднаквост на остварувањето на правата и обврските на секој член на Здружението;
  • - Еднаквост во слободата, правата и обврските на секој член без разлика на полот, расата, бојата на кожата, националното и социјалното потекло, политичката, сексуалната и верската определба, имотната и општествената положба.
     
    „Здружение на поддржувачи на ФК Барселона
    Пениа Барселониста Сис Копес де Струмица”
     
     
     
    13.12 2013                                                                                            Претседател
    Струмица                                                                                             Игор Филевски