Новата сезона во Шпанската Ла Лига ќе стартува на 11/12 август, а ќе заврши на 13 мај 2018-та година.
Двојките „кој со кого“ ќе игра во новата сезона ќе бидат официјално објавени на 20-ти јули.
Традиционално шпанската лига започнува во третата недела од август, но ова поместување годинава е поради Светското Првенство кое ќе се одржи следната година, па мора да се остави поголем простор за подготовка за репрезентативниот настап.
Една недела претходно, на 6-ти август ќе стартуваат натпреварите од Супер Купот меѓу Реал Мадрид и ФК Барселона.
Финалето од новата сезона на Копа дел реј начелно е закажано за 20 мај 2018-та.