„Ел Класико“ кое ќе остане засекогаш во прекрасно сеќавање на нашите членови...

Во целите и мисијата на нашата Пења се организираните патувања за нашите членови, на кои се промовираат трајните вредности на клубот. Патувања кои не почнуваат и завршуваат само со навивањето на натпреварот, туку се еден целосен концепт на забава, едукација и образование. Токму едно од тие патувања беше и ова Ел Класико, најпопуларниот фудбалски натпревар на планетата.

Натпреварот за нашите членови започна уште при влегувањеот во хотелот, каде ги чекаше уникатното изненадување, пакет производи од ФКБарселона, специјално произведени за Ел Класико, поло-маички, знамиња, книги, списанија, пенкалца, значки, влезница за натпреварот... Во следните два дена, дружбата продолжи на заедничките ручеци прво во рамките на нашата Пења, а потоа и во рамките на сите Пењи на ФК Барселона од цел свет. Тука се воспоставија нови пријателства и се остварија нови соработки, кои ќе се реализираат на секое следно заедничко патување.

Во рамките на овој концепт се остварија и многу прошетки низ Барселона кои беа дел од проектот „Ел Класико“, како што се разгледот на градот со отворен туристички автобус, посета на Музејот и Тура низ Камп Ноу, Посета на проектот „Ноу Камп Ноу“. 

Дружењето на членовите не заврши ни по прекрасниот и ултра интересен натпревар кој финализираше со уште еден чекор до рекордот на Шпанија, „Титула без пораз“. Дружењето продолжи со уште неколку заеднички прошетки кон Камп Ноу и центарот на градот.

„Ѓурѓовден со Ел Класико“ ќе остане во меморијата на нашите членови засекогаш. 

Затоа што ние не сме само Пења или Здружение на навивачи, ние сме Фамилија, ние сме Едно и Цело, ние сме Барса!

Следното заедничко патување ќе биде на Конгресот во август, а потоа и во Амстердам на проектот „Јохан Крујф“.

Се` само за нашите членови.