Денес во Барселона се слави Свети Ѓорѓи (Сан Џорди).
Честит нека е денов и не заборавете некому и вие денес да подарите книга.
Bon dia de Saint Jordi a tots els amics català.
Feliç Sant Jordi:-)
По што е значаен овој ден за клубот, градот и светот?
Денес во Барселона се случува еден од најубавите празници.
Насекаде насмеани лица исполнети со Љубов, со рози и книги во рацете.
Денес цела Каталонија го слави денов, а во Барселона е со посебно значење (пред се` Сент Џорди е патрон на градот и на клубот, чиј крст го има на самиот амблем), а и бидејќи се` што денес се слави како „Ден на книгата“ започнало токму од овој град. „Ла Диада де Сант Џорди“. Или во превод, „Денот на Свети Ѓорги“, или популарно овде „Денот на книгата и Денот на розата“. Денес се подаруваат рози и книги (а се купува, подарува и јаде и еден специфичен колач „како благо лепче“ кое е направен со путер и мармелад, кое е традиција, која не е многу стара, туку е од последниве 30-на години). Се очекува дека како и секоја и оваа година да се продадат само во Барселона околу 5 милиони рози и повеќе од пола милион книги. Во голем број на кафулиња денес се организираат промоции и читања на некои од популарните автори. Денес е и единствениот ден кој е отворен за јавност со влез во главната зграда на каталонската влада, „Палау де Генералитат“, окитена со рози и чест кон Свети Горѓи, патронот на градот. А се` започнало уште од 1923-та година, кога еден книжар во Барселона, сакал да го овековечи денот на смртта на двајцата (за него) најголеми автори, Сервантес и Шекспир, 23-ти април. Прогласил слободен ден и подарувал книги и рози, како комбинација во чест на Љубовта и Писменоста. Денот бил општо прифатен и до ден-денес Барселона „продава„ најмногу книги во светот, токму на овој ден. УНЕСКО подоцна, во 1995-та година, го прогласува овој ден како Ден на Книгата. Е тоа е потеклото на денот, наши драги пријатели и соси, кој има корен токму од најубавиот град во светот, Барселона.
Затоа уште еднаш да повториме, честит нека е денов и не заборавете некому и вие денес да подарите книга.
Bon dia de Saint Jordi a tots els amics català.
Feliç Sant Jordi:-)